Shillong, Jymmang 31: Ka FKJGP Laitlyngkot Circle hadien ba ki paidbah Nongshong Shnong kila wan ban ud ban man sha ka seng halor ki jingeh ba ki iakynduh lyngba ka jing pyn lip light kaba la ktah shi katdei eh ia ka trei ka ktah bad ia ka rukom treikam ha ka jingim kaba man la ka sngi khamtam eh namar ia katei ka Load Shedding la sdang ban pynlip naduh ka por 6:00 AM haduh ka por 9:00AM, namar ba ha kitei ki kynta kidwei ki kynta treikam kiba baroh ki Longing ki dang bunkam ha ka shet ka tiew bad kiwei de ki kam ing kam sem ban pynbit pynbiang ia ka jing leit Skul jong ki Khun ki kti bad hashwa ban kin leit shala ki jong ki ka ki jam.
Ka FKJGP Laitlyngkot Circle ha ka 30th May 2017 hapoh ka jingialam jong u Bah Edarland Kharbudon, President FKJGP Laitlyngkot Circle Ka Seng, ha kaba la synran lang ruh da u Samla Kitboklang Nongphlang Education Secretary FKJGP Central Body bad u Samla Mac Donald Kharkongor, Vice President FKJGP Upper Shillong Circle ki la leit ban iakynduh ia u Chief Engineer (Distribution) jong ka MEecl U Bah K.N. War ban iakren ia kitei ki jingeh jong ki paidbah da kaba kyntu ia ka MEecl ba kan pynjynsur noh ia ka jing pyn lip Light bad ban rah noh ia ka por jong ki kynta Load Shedding namar na ka liang jong ka Seng kam don satia kano kano ka jing pyrshah ha kaba iadei bad ka Load Shedding hynrei ka shu pyrshah tang ia ki kynta ba pyntreikam ia ka namar ka ktah shi katdei eh ia ki paidbah Nong Shong Shnong.
Katei ka jing leit iakynduh jong ka Seng ka long kaba seisoh namar ba na ka liang jong u Chief Engineer u la kular ban shimkhia ia ki jingdawa jong ka Seng bad ruh ban pyntreikam mardor khnang ban weng ia ki jingeh ba ki paidbah Nong Shong Shnong jong ka Shnong Laitlyngkot ki iakynduh.
