Shillong, Nailur 8: Ka seng jong ki ba buh ia ki Local Taxi hapoh jong ka lama East Khasi Hills Local Taxi Welfare Association (EKHLTWA), kala rai ban pynher da ki lama iong ha ka 11 tarik mynta u bnai ban pyrshah ia ka jingpynkiew palat ia ka increase ia ki kali Taxi. Ia kane ka rai la shimha ka jingialang jong ka CEC jong ka seng.
Haba kren ha ki lad pathai khubor la ong ba kane ka jingkiew jong ka Insurance na ka T.6757 sha ka T.13300 naduh ka snem 2014 bad kane ka long kaba ym lah ban pdiang. Halor kane kila pyrshang ban wad jingiarap ha kaba ia dei bad kane ka kam. La ong u Bah Jyrwa.
Haba ia dei bad ka jingwan kamai jong ki kali kiba na sha bar ruh kala ktah ia ka kamai jong ki trai jylla ha kaba ka sorkar jylla ruh ka hap ban peit ia kane ka jingeh bad na ka bynta ka jingmyntoi jong ka sorkar jylla.
La ong ba n aka liang jong ki pulit ruh kim shym la leh ei ei ban peit bha ia ka jingwan jong ki kali kamai na shabar, kumba ka long mynta ka jingdon ki kali kamai ha EK ki long haduh 5721 tylli.
Haba ia dei bad ka jingai permit la ong ba ka dor ka long 25 tyngka hynrei namar ba la dei so sop ka dor jong ka permit ka long haduh 2 lak tyngka. Na ka liang jong ka seng ka ong ba ia ki samla dei ban ai permit na ka daw jong ka jingkyrduh kam.
