Bam smai ki ki nongialam ba pura jong ka seng HYC

Shillong, Nailar, 08: Ki dkhot  jong ka Central Executive  Council jong ka seng Hynniewtrep Youth Council ka seng kab dang shu seng thymmai  hynne ka sngi ki la shim ia ka  jingbamsmai na ka bynta ban long ki nongkit kam ba pura ha poh ka seng, ia kane ka jingbam smai la pynlong ha Khasi National Dorbar Hall Mawkhar, ia kane ka kam la pyndep da u SS Majaw u ba long ruh kum u shnongknor ha kane  ka jingialang.

Hadien ba la dep ka jingbamsmai la ioh ia ka  jingkren bad ki kyntien sneng kyntien ai mynsiem bad ki kyntien shong sbai jong u wei u riewkhraw jong ki khasi u SS Majaw u ba long u kongsan ha ka ne ka jingialang, u la ong Ki nongialam bastad ki long kiba iohi jngai  ia ka  lawei jong ka ri bad ka jiatbynriew, kim ju kynran dien bad u la ong ruh ia kine ki kyntien “shisien ba la  bakla ka  lynti iaid jogn  ki nongialam kynmaw  baroh ki lang brot sakma noh na ka sem.”

Nga ai ka jing kit bok  ia ka seng bad ia ki dkhot jong ka CEC baroh ba kin nang lah ban trei hok ia ka kam  na ka bynta ka ri baieid jong ngi bad to long ki samla ka ri kiban ym shah thied ne shah pynbiej noh hano re hano, bad kum ki samla kari kin ia snoh kti lang  bad ban ai ka jing kyrshan bahok khang ban im ka jaitbynriew, la ong u bah Majaw.

“Katba nga dang sah ha ka pyrthei ngam kwah ban ioh sngew ba ka seng HYC kan duh noh  to ai ba kane ka seng kan nang kiew shaphrang bad ieng rasong bad kan nang trei hok na bynta ka ri bad ka jaidbynriew ba kawei”La pynkut u bah Majaw

U bah Robert june Kharjahrin General secretary jong ka seng  haba kren hakane ka jingialang u la ong  ba ka seng ka la shim ia ka  rai ban wanrah ia ka “Slogan” bad kata ka long “ No retread  no surrender, no rest”

U ban Robert u la ong shuh shuh  ba kin dawa na ka sorkar halor ki mat kiba ki la la thaw, kita long ym ban pyrkhing ia ak jingwanrung kyrthep ki bar jylla, hynrei dei ban pyrkhing ruh ha kaba ai wai iing ia ki.

Ban nang kham pynkhlain shuh shuh ha kaba iadei bad ka khaii ka pateng na ka bynta ki trai jylla, dei ban buh da katkum u pud haba ai jingtrei ia ki bar jylla, namar bun ki jingtrei kiba ki briew jong ki lah ban ban trei ym dei ban shu ai sha ki.

Bad ruh ban wanrah noh ia ka political right, kin dawa na ka sorkar ba kin don ka jing kit khlieh haba iadei bad u pud u sam,kin ialeh pyrshah halor ka shongkha khleh namr kan eka ktha ia ka jaitbynriew.Bad ka seng ka la kular ruh ba kan don ka jingkit khlieh ban ialeh ban ioh pynrung ia ka ktien khasi ha ka 8 schedule,,lada ka ktien ka im ka ri bad ka jaitbynriew ka im, la ong u bah Robert.

U bah Donbok Kharlyngdoh converner Adhoc komiti ha ka jingkren jong u ha kane ka jingialang u ong “ ar bnai  mynshwa nga la mad ia ki ummat hynrei nga iaishah ia kita baroh bad nga ngaie halade ba ki ummat kib aki long mawlynnai” kumk bna shu pynkynmaw u bah kharlyngdoh u dei u wei u nong ialam jong ka KSU mawlai Circle hynrei u la shah beh seng noh.

U bah kharlyngdoh u la iathuh ruh ba 12 tarik u bnai ba la dep nabaroh ka bri u hynniewtrep ki la wan ban ia tai ia thir bad puson  bad ki la thaw ia ka kyrteng jong ka seng da HYC, Ka seng HYC ka kynthup ia baroh khasi pnar u bhoi u war lyngngam maram.

Ka seng kam don jingkhang lad ia kino kino ki briew kiba kwah ban iasnph ha kane ka seng hynrei kam kwah pat ba kito ki briew kiba wan rung ha kane kin shah thied ne khaii, u dei ban long u ba khraw  pyrkhad. La ong u bah donbok.(SP News)