Shillong, Naitung 18: U Mp jong ka 2-Tura Parlimentary Constituency u Conrad K Sangma mynta ka sngi u la shim ia ka jingbam smai kum u MP jong ka dorbar bah jong ka Ri India hapoh iing dorbar kum u dkhot jong ka Lok Sabha.
U Conrad u la jop ia ka elelction MP shiteng samoi na ka 2-Tura Parliamentary Constituency pyrshah ia ka kyrtong jong ka seng congress ka Dikkanchi D Shira. Kane ka election shiteng samoi kala wan ha katei ka 2-Tura parliamentary constituency ka dei ha dien jong ka jingkhlad ba kyndit jong u P A Sangma.
Ia kane ka jingpynsmai la leh mynta ka sngi ha poh ka iing dorbar da ka Speaker jong ka Lok Sabha ka Sumitra Mahajan, ha pdeng ka jingiadon lang jong ki MP ba bun balang.
