Shillong, Risaw 02: Kum shibynta ban wanrah ia ka jingiajan hapdeng ki ar tylli ki kynhun shipai ba ia da ia u pud u sam jong ka Ri , ki shipai Border Security Force (BSF) jong ka Ri India bad ki shipai Border Guard Bangladesh (BGB), jong ka Bangladesh, mynta ka sngi 30 ngut ki khynnah skul jong ka Bangladesh kila wan poi sha Shillong.
Ia kine ki khynnah skul ryngkat ki heh sorkar jong ka Ri Bangladesh kiba la wan ban synran lang la pdiang burom ia ki ha Dawki da ki shipai BSF bad la ialam ia ki sha ka shnong Mawlyngong ka shnong kaba khuid tam. Kine ki khynnah skul ba Bangladesh ki san lai sngi ha Shillong bad kine ki san sngi kin ioh ba leit sha ki jaka bapher bapher jong kane ka jylla.
Na ka liang jong ki BSF ki kyrmen ba kane ka jingdon jong ki lai sngi kan iarap shibun eh ban tip sha phang ka jylla Meghalaya, ia ki rukom long rukom kan kane ka dong bad ka thain bad na ka liang jong ki khynnah skul jong ki BSF pat kin leit sha Bangladesh ha kaba kut jong mynta u bnai.
