Shillong, Nailar 27: Ioh kem masi ki BSF 17 tylli shongdor san lak tyngka na khasi Hills khappud bad ka Bangladesh, ia kine ki masi la kem mynta ka sngi kiba la shong dor T.3 lak tyngka bad kiba kem mynnin ka sngi ki shong dor T. 2 lak tyngka. Ia kine ki masi la aiti sha ki pulit.
Na ka liang jong ki BSF kila iathuh ha kine ki por ba don ka jingpakhang kala hiar ka jingkhaii masi tuh sha Bangladesh hynrei ha kine ki sngi kala sdang biang kane ka jingkhaii masi na Meghalaya sha Bangladesh.
U DIG ba dei ruh u PRO jong ki BSF u U K Nayal, u la ong ban a ka liang jong ki BSF kiba don ha khappud jong ka jylla Meghalaya kila trei la kakam ban khanglad ia kane ka jingiakhaii beain sha Bangladesh.
Na ka liang jong ki BSF kila ioh jingtip ba kine ki nongkhaii masi kila pyndon don kam ia ka surok Siliguri, Khanapara bad Nongpoh ban pynpoi masi tang ha East Khasi Hills jong ka jylla Meghalaya.
Na ka liang jong u DIG jong ki BSF u la pynpaw ba ia kane ka jingkhaii masi tuh sha Bangladesh lah ban khanglad da ka jingiatrei lang ha pdeng ki BSF bad ki pulit bad kiwei kiwei ki kynhun peitngor ba kin ia treilang bad ba pynlong ia ka jingkhynra kaba kyrpang ia kane ka kam khaii masi beain.
