Jowai, Nailur 08: Ka JSU ha dien bala mih ka jingkynthoh pyrshah ki bymshong nongrim satia pyrshah iaka seng halor ka jingiaid shakhmat jongka Union ban dawa naka JHADC ban thaw noh iaka kommittee halor ki dak thoh haka ktien Pnar, ka Seng ka sngewdei ban ban pynshai paidbah katkum ka nongrim jongka Seng.
Ka JSU kam don jingmut satia ban pharia Jaitbynriew hynrei ka ieng skhem triang hala ka nonngrim ban pynskhem bad pynneh pynsah, ban pynjanai bad pynriewspah iaka ktien ‘ Pnar’, namar ba katkum ba long mynta hi, ka ktien pnar kala synjor palat bad ka don haka jingma kaba khraw ban duh noh na ka daw ba hapoh ka imlang sahlang jongngi ngi la iakren khleh jaktung ym bad ka ktien khasi hynrei daka phareng bad ka Dkhar syndon kumka nuksa Ok Bhai, Yes Mami bad kumta ter ter.
kum ka jingpynkynmaw haki phew snem kiba la dep, kala don teng ka ‘Sein ki nongthohkot ka Ri Jaintia’ kaba kynthup ruh ia u (L) Dr. B Pakem kum u wei naki member, bad ka thong jong kane ka Sein ka long ban wad ia ki lad ki lynti ban kyntiew bad pynskhem iaka ktien Pnar. kumta ka JSU ka sngewdei ban bud dien iaka jingmait lynti jong kine ki ‘riew rangbah ki khraw pyrkhat namar ka ktien pnar ka la don shisha ha tmier ka jingma ban duh jait noh lada ngim don daka jingthoh hala ki jong ki dak thoh. Bad ia kane la sakhi da ka jingjah noh kiba bun bah ki ktien ‘ Paka nylla’ jongka ktien pnar ha kane ka juk kaba mynta kum ka nuksa iaka iit khmih haka ktien pnar la khot ‘ ka ab’ iaka jain rumal lakhot ka ‘Tana’ bad kiwei kiwei ki ktien kiba ngim juh kham kren shuh mynta.
Ha ka juh ka por, kum ka nuksa, ki don ruh ki kyntien Pnar kiba ngimlah ban kynnoh da kaba Speldak daki dak khasi kum u Sniuh, Ka mluh, u diengduh bad kiwei kiwei, bad kane hi ka buh haka jingeh kaba khraw lada ngim lah ban ioh iala ki dak thoh lajong. shuh shuh ka jingbym don ki dak thoh Pnar bad ki jingkynnoh ktien kiba paka (salonsar) kala pyntlot iaki nongpule iaki kot bala toh haka ktien pnar da ki dak khasi bad hateng hateng da kaba pyndonkam ruh iaka u dak ‘ C’ haka jaka u dak ‘S’ bad ia u ‘Y’ haka jaka u dak ‘i’ namar ka jingiapher haka rukom speldak. bad kane hi ka pyntlot kumjuh wat iaki nongthoh kot ruh kiba mut ban thoh haka ktien Pnar.
kumta, ha kaba iadei bad kane ka bynta, ka JSU ka kwah ruh ban pynshai ba haba ngi kwah ban pynskhem iala ka ktien tynrai (Pnar) kam mut pat ba ngin klet noh lane kyntaid noh iaka ktien Khasi lane phiah iaka jaitbynriew, hynrei ka Union ka kyrshan pura iaka jingdawa ban pynrung ruh iaka Ktien khasi hapoh ka 8th Scheduled khnang ba kan long ka official Language kaba pura. Ha ka juh pat ka por “katba ngi dang lah/dei hi ban kren iaka ktien Pnar, hato kam dei mo ka pali jongngi ban pynneh, pynjanai bad pynriew spah iaka? hato ka shonghok ba ngin klet noh iaka”? bynrap shuh shuh ki nongialam jongka jsu.
kumta ki paidbah kim dei satia ban sngewthuh bakla ba ka dei ka jing pynpaid jaitbynriew namar ngi khlem mut ban kyntaid iaka ktien Khasi. ka Union ha ka juh ka por ka pynpaw iaka jing iaroh ruh iaki nongialam jongka JHADC ba ki la thung iaki member hapoh ka Committee (Pnar Alphabet Committee) na ki thain bapher bapher kum na War Jaintia, Shangpung, Jwai bad kiwei kiwei ki jaka, bad ngi kyrpad ia kane ka Committee ban iaid shakhmat ha kaba iadei bad kane ka bynta.
