Shillong, Nailar 17: Kum shibynta ban kynmaw ia ka sngi jingdap 66 snem (17 Aug 1948 – 17 August 2014) jong ka jingiateh bad ki jingkular ryngkat ki kyndon hapdeng ki 25 Hima Khasi States bad ka Sorkar India kaba la pdiang bad soi da u Shri. C Rajagopalachari, Governor General of India ha ka 17 tarik August 1948, kiba la paw ruh ha ka kaiphod White Paper on Indian States (1948-49) ba la buh hakhmat ka Dorbar Parliament Ri India.
Ka dorbar Grand Council of Chiefs of Meghalaya, kaba kynthup ia ka Dorbar Ki Khlieh Nongsynshar ka Ri Hynniewtrep, Ki Sirdarship, ki Dolloi Ka Federation of Khasi States) ka khot sngewbha ia ki baroh ki nongsynshar naduh Shnong, Raid haduh Hima, kynthup ia ki Sordar, Rangbah Shnong, ki Myntri, ki nongkitkam shnong, ki riewrangbah, ki longkmie, ki samla kynthei bad shynrang, ki nongkitkam seng bhalang.
ki Khlieh Nongsynshar ban ia don lang ryngkat ha ka jingialang kaban long hapoh iing club, Pyndenumiong, Mairang, Hima Nongkhlaw Syiemship, ha ka 19 tarik August 2014, por 11 baje ban ioh ka jingshai halor katei ka phang halor katei ka sngi kaba kongsan bha.(SP News)
