Shillong, Iaiong 09: Ka FKJGP Seng Kmie kum shibynta ban pynkhie im bad ban kyrsiew thiah pat ia ka Jaitbynriew hi baroh kawei kan pyllait paidbah ia ka Kot Lyngkdop halor ka Phang pdeng ‘Ka Roi Ka Par Lyngba ka Ioh Ka kot ha ka Imlang ka Sahlang’.
kum ka dak ban plie pyrda ia ka jingsdang ia ka Socio-Economic Movement, ka Seng kan pynlong da ka jing ia iaid Paidbah da ki Kali ha ka 11 tarik, Iaiong 2017 naduh ka por 10:00 baje mynstep na Office treikam jong ka Seng kaba don ha Mawlai Motsyiar – Polo – IGP point – Barik point – ter ter shaduh Diman Hall Jaiaw, ha kaba yn pynbud da ka Programme kaba lyngkot kaban sdang ha ka por 12;30 nohphai sngi ha Dinam Hall, Jaiaw.
Kumta ka Seng ka kyntu ia baroh ki President bad General Secretary jong ki Unit bad ki Circle bapher bapher ba kin ia poi ryntih ha office treikam jong ka Seng ha ka por 9:00am, ha kajuh ka por ka seng ka Wer bad ka khot sngewbha ruh ia baroh ki Nongialam kiba rim jong ka seng ba kin wan iashim bynta lang ha katei ka sngi kaba kyrpang bad ka sngi ka ban sah jing kynmaw ha ka History jong ka Seng bad ka Jaitbynriew hi baroh kawei. Ong u Bah Eldie N Lyngdoh ha ka kyrwoh kaba la phah mynta ka sngi.
