Shillong, Iaiong 29: Ki nonglute kiba la pyrshang ban lute ia ki kali kiba leit sha ki thain Borsora bad Nongjri ha kine ki sngi ha 24th miles kaba don ha shillong jong ka Ranikor hapoh jong ka South West Khasi Hills District ki nonglute haba kila shah khang kdong ha ki pulit ha jingkieng Ranikor kila rynshit sha poh um bad ia ka met jong ki ha duh mynta ym pat lap.
Ki thymmei khubor ki iathuh ba kane ka jingjia kala jia shuwa ba kan don ka jingshah rahbor jong u nongbut JCB na shnong Nongjri ha ka sngi palaei por miet, haba ki pulit kila ioh jingtip ba ki don ki nonglute kiba don ha ki thain 24th miles kila khang kdong ia ki bad haba kila poi sha jingkieng Ranikor ki nonglute kim don jaka shuh ban phet bad ban lait na ka kti jong ki pulit kila rynshit sha Poh Um.
U SP jong ka South West KHasi Hills District u Bah H G Lyngdoh haba kren ha u SP News Agency, u la ong ba kala don ka jingkhang kdong jong ki pulit ia ki nonglute bad ym poi ha jingkieng Ranikor kila rynshit na lor jingkieng, hynrei ban ong kila laiphet na kila duh ei ia la ka jong ka jingim ruh ym lah ban ong namar ba ha duh mynta kim pat lah ia kano kano ka met na katei ka kwah Ranikor.