Shillong, Risaw 20: U wei na ki nongialam ba la kham ha khmat jong ka seng Congress u Bah Prestone Tynsong u la o
ng ban leit kyrshan ia ka PDF da ki MDC jong ka seng Congress kam dei ka pop, ka Congress ka kwah ia ka jingskhem ha ka synshar khaddar.
Haba kren ha ki kotto katne ngut ki nongthoh khubor, mynta ka sngi ha kaba iadei bad ka jingleit kyrshan jong ki san ngut ki MDC jong ka seng Congress ia ka EC jong u Bah PN Syiem ha KHADC ia kaba la tip kum ka PDF, u Bah prestone u la ong ba kam dei ka pop.
La ong ba ka jingthrang jong ka congress ka long ban wanrah ia ka synshar khaddar kaba skhem, kam dei ban don ka synshar khaddar kaba synjor. Ka PDF kam dei ka seng sain pyrthei, ka dei ka kynhun ban thaw ia ka EC ha KHADC ha kaba ki seng sain pyrthei ruh ki ia don lang, kum ka UDP, ka KHNAM bad ka Congress.
La ong ba ka ain kyntiap seng ha ki District kam don. U Bah Prestone u la long teng ruh u CEM jong ka KHADC bad mynta u bat ruh ia ka tand DC (A) kum u myntri hapoh jong ka sorkar jong u Dr Mukul Sangma.
Ka jingleit kyrshan jong ka congress ia ka EC jong u Bah PN Syiem ka long ban wan rah ia ka synshar khaddar kaba skhem bad ia kane ka congress kala pyni ha ka por ba u Dr FA Khonglam bam kwai ha dwar u blei u long u myntri rangbah ka jylla kum u Independent MLA.
