Shillong, Kyllalyngkot 25: U Deputy Commissioner jong ka Ri Bhoi District, u CP Gotmare, u la ong ba ka jingplie ia ki jingtei kiba la dep ban shna da ki briew sorkar kan nym ngat ha ka kyndon model code of conduct.
U Deputy Commissioner jong ka Ri Bhoi District, haba jubab ia ka jingkylli jong u SP News Agency ha kaba ia dei bad ka jingplie jong u Secretary jong ka North Eastern Council (NRC) u Ram Muivah ha ICAR, ha ka 25th Kyllalyngkot 2018 iaka PSP katkum ka jingpynlait khubor na ICAR.
U Deputy Commissioner u la ong ba ka ICAR ka dei ka jaka wad bniah, ka dei ka jaka hikai, kumta kan nym ngat hapoh jong ka model code of conduct. U la ong ruh “ Nga kum u Deputy Commissioner nga lah ban plie ia ka surok lane kano kano ka jingtei kaba la dep”.
Hynrei la khang pyrshah ia ki seng sain pyrthei, na kino kino ki bym dei ki briew sorkar ban plie ia kano kano ka jingtei lada ka lah ban khring ia ki nongthep vote, lada ka long ha katei ka rukom ka model conduct kan trei kam. Kane ka jingplie jong Secretary ka NEC ia ka PSP hapoh ICAR kan nym ktah ia ka model code of conduct.
