Shillong, Naiwieng 18: Da ka jingthmu ban pynioh ia ka ding ban shet jingshet kaba khuid ha ki long iing kiba duk sha ki nongkyndong ka sorkar pdeng kala pyntrei kam ia ka Pradhan Mantri Ujjwala Yojana (PMUY).
Ka West jaintia Hills district, ka long ka district kaba ar ha kane ka jylla Meghalaya ban pyntrei kam ia kane ka skhim. Dang shen la sam paidbah ia ka Biomass cooking stove kaba dei napoh jong ka tnad pynroi nongkyndong bad da ka jingpyntrei kami a ka PMUY kan iarap shibun ban pynduna ha kaba thang ia ki dieng haba shet jingshet.
Lyngba kane ka skhim yn ai da ka tyngdong lyer bad ka jingai kan long ha ka kyrteng jong ka long kmie bad n aka bynta kito kiba hap ban ioh tyndong lyer thymmai kan don ruh ka jingai da ka pisa kaba T.1600/- tyngka ba kin ioh ban siew ia ka jinglut na ka bynta ban ioh ia ka tyngdong lyer bad ki stove ban pyndon kam.
Kane ka T.1600 tyngka kan long, naka bynta ban siew ia ka bai nongmuna T.1250/- ia u jingpynmih pynlit Gas Regulator T.150/- na ka bynta u hose pipe T.150/- bad n aka bynta ka bai pyntrei lem ia ka kam kan long T.50 tyngka. Ka stove kaba ar jaka shet kan long T.999/- tyngka bad kabai tyndong lyer kaba nyngkong kan long T.591/- tyngka.
Ia ka jingialang ban pynshai paidbah ha kaba ia dei bad kane yn sa pynlong ha Ummulong haka 25 tarik mynta u bnai bad ia kane yn leh da ka Oil Marketing Companies (OMCs) ban pynshai ia kane ka skhim PMUY, Yn sa batai kiwei kiba dei hok ban ioh bad ban hikai kumno ban pyndon kam ia ka tyndong lyer bad ban batai kumno ban sngewthuh ia ka insurance kaba ia dei bad kane ka PMUY.
Ki long kmie kiba dei na ka long iing kiba duk kiba don ha ka BPL , kiba khlem pat don ia ka Tyndong Lyer kilah ban apply ban ioh thymmai na ka M/s Ripnar Gas Agency lane na ka M/s Rymbai Gas Agency. Haba ai ia ki aplikoshon jong ki dei ban pyndap ia ki jingdon kam kum ka Bank Acount bad kiwei kiwei ki jingdon kam bad ia ki tyndong lyer kin pynpoi da ka OMC.
