Shillong, Lber, 04: Ka seng samla pule Khasi Student Union KSU) mynta ka sngi sha shisien pat kala pynlong ia ka sngi kyrsiew thiah ia ka jaidbynriew ia kaba la tip kum ka Khasi National Awakening Day, ha kaba la sdang ia ka jingiaid paidbah ka Mawlai Polytechnic ter ter bad pynkut ha Jaiaw Lum pynlon.
Ia kane ka sngi la pynphuh pynphieng da ki raim khasi tynrai da ki samla kynthei bad shynrang. Shuwa ban sdang ia ka jingiaid paidbah la pynlong ia ka duwai ka phirat da u bah Skor Jala, khnang ba ka jaidbynriew kan eh ka rngiew ka rwiang.
U Bah Auguster Jyrwa, General Secretary ka Seng, haba kren shwa ban sdang ka jingiaid paidbah , u la ong ba kane ka sngi kaba u Tirot Sing u la kyrsiew ia ka jaidbynriew ha u snem 1829 ban ieng ialeh ia ka Sorkar Phareng, ka long ruh ka sngi kaba dang iai sah kynmaw haduh kine ki sngi.Ka Seng ka angnud ban kyrsiew ia ki samla, ki longkmie ki longkpa bad wat ia ki tymmen ki kro, na ka jingshah thombor jong ka jaidbynriew ha kiwei pat ki jaidbynriew heh paid.
Ka jingpynlong ia kane ka sngi kyrisew iaka jaid bynriew ka long ba , kum ka jaidbynriew khasi ka don tang kane kawei ka jaidbynriew, ka jingpynlong ia kane ka jingiaid paidbah kalong ban pynkhih biang ia ka mynsiem ieid ri bad ka mynsiem ialeh.
ki nongiashim bynta ha ka rally ki la rwai ia ki jingrwai ieid ri watla ki nongiashim bynta ki kham duna na kaba long ha u snem baladep, hynrei ka jingiaid rally ka la long kaba shongkun ha ryngkat ka kynhoi ka risa ha kaba ia ka rally la ialam da ki Nongialam ka KSU.
Na ka liang jong ki nongmih khmat kiba la poi sha kane ka jingrakhe ia ka sngi kyriew ia ka jaidbynriew kiba la poi ki long u bah Latiplang Kharkongor EM ba dei peit ia ka khaii pateng ha KHADCu Bah Pyniaid Sing Syiem Deputy Chairman ha KHADC kyntup ia ki nongialam ba rim ka KSU u Bah Hamlet Dohling, u Bah Danny Khryiem bad u Chairman jong ka NESO u Bah Samuel Jyrwa.
Kiwei ki nongialam jong ki seng bhalang kiba la poi ha kane ka sngi ki long u Bah Joe Marwein, President ka FKJGP, Bah Sadon Blah, General Secretary ka HYNF, Kong Betty Jyrwa President ka HANM-Women’s Wing, Bah Gilbert Kharraswai President ka HNM lem bad kiwei dei.(SP News)
