Shillong, Jymmang 31: Ka Khasi Student’s Union Mawkynrew circle bad Mawryngkneng circle haka jing ia don lang ki nong ialam Seng Kmie samla Vincent Makri bad samla Raymond Kharjana kiba dei ki incharge jong ka K.S.U Eastern Central Area Unit, haka 29/05/18 kala leit ban kynduh ia u Myntri ba dei peit iaka tnat surok, u bah Prestone Tynsong bad ai iaka dorkhas ban pyniasnoh iaki artylli ki thaiñ, ka Mawkynrew bad Mawryngkneng constituency.
Ki don bun tylli ki shnong kiba hap hapoh Mawkynrew constituency hynrei ki dei pat kiba don ha Mawryngkneng block kum Madanlangning, Mawpyrshong, Warmatlah, Mawber, Umsaw bad Thadan, kine ki shnong bad ki wei ruh ki shnong kiba don ha Mawkynrew constituency kim don ka lynti ka ban iaid beit ban poi sha ka thaiñ Mawryngkneng, kane kala buh shibun ki jingeh iaki paidbah ki ba don kam ban leit naki bynta ki jingdonkam bapher bapher.
Ka seng kala pynsngew ruh ha u Myntri ia shibun ruh ki jing myntoi lada ka sorkar kalah ban pyniasnoh ia kine ki artylli ki thaiñ. Na ka liang u Myntri ruh u la kubur iaka jingdonkam ban pyn iasnoh ia kine ki artylli ki thaiñ khnang ba kan pynkham suk shuh shuh iaki briew kiba kwah ban leit sha ki thaiñ Jaintia Hills bad Assam bad pynpaw ba ka sorkar kan shimkhia ban thaw kilad ki ba kloi ban tei iaka surok kaba paka ha kine ki bynta jong kane ka thaiñ.
