Tura, Nailur 4: Ka jingialang jong ka Joint Movement Committee (JMC) na ka bynta ka roi ka par ban kyntiew ia ka ioh ka kot ha pdeng ka India bad ka Bangladesh, hapoh ka jylla Meghalaya da kaba pyniasoh ia ka West Bengal bad ia ka Mahendraganj bad ban poi shaduh Tura sha Meghalaya da ka surok na Hili kaba jngai tang kumba 100 km da kaba iaid lyngba ka Bangladesh.
Ia kane ka jingialang la pynlong ha ka sngi saitjain ha Tura Circuit House, Kane ka kynhun kaba trei bad peit na ka bynta ban kyntiew ia ka roi ka par jong ka dong hsatei lam mih ngi jong ka Ri India hapoh jong ka National Transport Development Policy Committee (NTDPC), ha ka kaiphot jong ka kala ban jur bha ban kyntiew ia kane ka thain don kam kam ia ka lynti iaid na West Bengal sha Mahendraganj jong ka South West Garo Hills lyngba jong ka Hili da kaba iaid lyngba jong ka Bangladesh kaba jngai tang kumba 10 km.
U myntri rangbah ka jylla u Dr Mukul Sangma u ioh ba kane ka jaka kan long ka jingkhangbah na ka bynta ka khaii pateng ia ka dong shatei la mih ngi jong ka Ri India barohkawei, u myntri rangbah u la trei shitom ban pynthikna ba kane ka kam ka dei ban urlong khnang ba ka ioh ka kot jong ka dong shatei lam mih ngi jong ka Ri India kan kylla.
U Nongkhot ia kane ka “ Joint Movement Committee”, U Naba Kumar Das, u la ong ba kane ka jingthmu ban pyniasoh ia ka dong shatei la mih ngi jong ka Ri India bad ka West Bebgal ka dei ka jingthrang jong ka sorkar UPA, h akaba kane ka sorkar kaba mynta ruh kwah ban pynurlong ia kane ka jingthmu ha kaba u myntri ka Ministry Road Transport & Highways u Nitin Gadkari, ki kyrshan ia kane ka jingthmu bad la pynlait ka pisa T.3000 klur sha ka sorkar Bangladesh na ka bynta kane ka surok.
Ki ba la wan ban ia shim bynta ha kane ka jingialang jong ka JMC baroh kila pynpaw ia ka jingpdiang ka jong na baroh ar liang ka India bad ka Bangladesh ba don ia kane ka surok ban pyniasoh ia ka West Bengal bad ka jylla Meghalaya da kaba shan ia kane ka surok . Ia kane ka jingialang la pyniaid da ka Dikkanchi D Shira MLA jong katei ka jaka, ha kaba la don lang ruh u W.D. Sangma, u nongkhot jong kane ka JMC u, Naba Kumar Das na West Bengal, u Joint Secretary ka GHADC, C.B.Chetry ba la shongthait na ka kam bad ki heh sorkar kiba la wan na Bangladesh.
