Shillong, Naitung 31: U Deputy Commissioner jong ka East Jiantia Hills District u Bah M Dopth u la pyntip paidbah ba u la khot ia ka jingbishar paidbah na ka 6 tarik Nailur 2018 ha Wapung Secondary Scholl ban shim ia ka jingai jingmut u ba bun balang halor kane ka jingthmu ban pynkynriah ia ka jaka trei kam jong ka Block na Wapung sha Lumshnong.
Na ka liang jong u DC u la ong ba ha kane ka sngi baroh kito kiba pyrshah bad kiba kyrshan bad kum juh kiba don ia ka jingmut ban pynsngew ia kane ka jingthmu ban pynkynriah ia ka jaka trei kam jong ka Block ki dei ban ia poi ha katei ka sngi ban pynsngew ha kane ka jingbishar paidbah.
Na ka liang jong u DC u khot u wer ia baroh ki paidbah kiba hap hapoh jong kane ka Community bad Rural Development Block ba kin ia poi khang khnang sha kane ka jingbishar paidbah ba kin pynsngew aiu ki don ban ong halor kane ka phang ban pynkynriah ia ka Block na Wapung ba ka don mynta sha Lumshong.
