Jowai, Nailar 16: Ka Jaintia Students’ Union (JSU) Nongjngi KhliehShnong Unit ryngkat ka jingkyrshan lang ka Shnong sa shisien pat kum ka lad ban kyntiew iaka jingialehkai football ha kane ka thain, kala rai ban pyllong biang iaka 6th JSU Nongjngi Unit Invitation Knock Football Tournament JSU mynta u Snem kaban sdang noh haka taiew ba khatduh jong une u bnai ha madan Thlusung Nongjngi Khliehshnong..
Kumta ha kaba iadei bad kane ka football tournament na ka liang ka JSU Nongjngi Unit ka kyrpad iaki dong/ Shnong bad kumjuh ki Riew shimet ba don jingmut lane lkiba ied iaka jingialehkai football ban ia shim bynta ha kane ka jingialehkai khnang ba ki samla kiba don iaka sap ha ka jingialeh kai football kin iohlad ban iashim bynta bad ban pyni iaka sap ka phong ka jongki.
Ka tarik ba khatduh ban pdiang iaki Team kiba iashim bynta ka long hapoh ka 19th August 2016 bad lada bun palat ki Team ba iashim bynta , ka JSU Organising Committee, kan pdiang shwa ia kito kiba thep nyngkong.(First Come first Serve). Ka bai rung naka bynta kawei kawei ka Teak ka long 2000/- (Ar hajar tyngka) bad ka Prize ka long 40,000/- (Sawphew hajar tyngka) iaka team ba jop bad 20,000/-(arphew hajar tyngka) iaka team ba wan ba ar.
Ka tarik ban pynkhalai iaki team ban ialeh kai pyrshah kan long haka 20th August 2016 ha Madan Thlusung Nongjngi Khlieh Shnong haka por4.00.jan miet kiba kwah ban tip khambniah kilah ban phon ha kine ki number 9615105494/ 9615237752. Kane ka long katkum ka khubor bala pyllait lyngba u General Secretary JSU Nongjngi khlieh Shnong Unit.
