Shillong, Risaw 01: Ka Coordination Committee on International Border (CCIB) mynta ka sngi kala pynlong ia ka jngialang paidbah ha Dawki ban pynpaw ia ka jingsngew pyrshah ka jong ki ia ka jingjurip ia ki khappud hapoh jong ka West Jaintia Hills District na ka bynta ka jingker ksainar shiah ha khappud bad ka Bangladesh.
Ha kane ka jingialang kila shim ia ka rai ban pyrshah ia kane ka jingleh kin pynlong ia ka jingiakhih shong kyllain mungor ha ka 18 tarik mynta u bnai hajan Additional Secretarait, kum ka kynhun kin leit ruh ban ujor sha iing kashari pyrshah ia u CEM jong ka JHADC namar ba u la ai jingbit ia ki ar tylli ki company ban ker ksainar shiah, kata ka BMC bad ka NBCC.
Ka CCIB ka dawa ba ia u Deputy Commissioner jong ka West Jiantia Hills District ba mynta dei ban weng noh namar ba ha kane ka jingjurip iaki jaka jong ki paidbah u la pynjari ia ka kyndon ain 186 CRPC, ka kyndon ba khanglad ia ki briew ban pynthud ia ki nongtrei sorkar.
Ki nongialam jong kane ka kynhun CCIB kiba la ai jingkren ha kane ka jingialang paibah kaba la long mynta ka sngi ha Dawki, ki long u Bah GH Kharshanlor jong ka HNYF, u Bah Daniel Khyriem president jong ka KSU, u Bah Joe Marwein president jong ka FKJGP. Ha ka jingkren ka jong ki, kila pynpaw ia ka jingsngew pyrshah jong ka jingleh jong u DC ka West Jiantia Hills ba mynta bad kiwei ki nongialam jong ki seng badki sordar shnong.
Ha dien ka jingialang kila shim ia ka rai ba kin pynlong da ka jingiakhih ha ka 18 tarik mynta u bnai da kaba shong kyllain mungor ha jan jong ka Additional Secretariat ha Shillong, ban ujor sha iing bishar ia u CEM jong ka JHADC bad ban dawa ba dei ban weng noh ia u DC ba mynta jong ka Jaintia Hills. Ha kane ka sngi da ki spah ngut ki briew na katei ka thain kila ia wan ban sngap ia kane ka pynshai paidbah bad kiba bun ki dei ki trai jaka.
