Shillong, Nailur 04: Ka seng jong ki engineer kiba trei hapoh jong ka MeECL,ia kaba la tip kum ka MeECL Engineer’s Association kala rkahe ia ka jingdap 25 snem jong ka seng da kaba pynlong ia ka jingia batmenton kaba ar sngi lynter ha Tirot Singh Indoor Stadium.
Ha kane ka jingialehkai la pynlong ha ki ar bynta, ka bynta kaba nyngkong ka long tang ia kito ki Graduate Engineer kiba don tang kumba 44 ngut kiba don ha ki bynta bapher bapher jong ka jylla bad kawei ka long na ka bynta baroh ki nongtrei jong ka MeECL, kiba la ia shim bynta baroh ki don haduh 60 ngut.
Ki jingialehkai baroh ki long haduh 134 tylli, ha ka jingialehkai para marwei hapdeng ki shynrang u Bah Damehi Kyndiah u la long u nongjop, katba haka ba ia khun mar ar ngut kiba jop ki long u Damehi Kyndiah bad ubah Wanmi Dkhar ha ka liang jong ki shnynrang.
Ha ka liang jong ki kynthei pat ha ka jingiakhun para marwei ka kong PB Jyrwa kala long ka nongjop, ha ka jingiakhun mar ar ngut pat kiba jop ka long ka kong PB Jyrwa bad ka kong Jesica Rani.
Ha ka jingiaialeh kai khleh kynthei shynrang pat ki nongjop ki long u Bah Damehi Kyndiah bad ka kong Eurica Passah. Nalor jong kine kiba la jer kyrteng ha neng kila don burn kiwei ruh ki jingialehkai hala ki jong ki jong ki kyrdan ialehkai.
Ha kane ka sngi pynkut u Vijay Kumar Mantri u ba dei u Director jong ka Corporate affair jong ka sorkar u la long u kongsan bad ki heh jong ka MeECL ruh ki long ia don lang kum u Bah T PASSAH, u Bah E. W. Nongrum, kine baroh ar ngut ki dei ki Director hapoh jong ka MeECL bad ia ka jingkren ai khublei la ai da u Bah Frederick Kharshiing.