Shillong, Nailar 29: Kum kajingrakhe ia ka sngi ‘National Sports Day’ 2016, na ka liang jong ki shipai BSF mynta ka sngi kila pynlong ia ka jingialehkai kynjat bol kum shi paralok ha pdeng ki shipai BSF bad ka Rising Football Club Mawlai.
Ia kane ka jingialeh kai la pynlong ha Madan Heh ha kaba ki BSF kila jop da kaba thep lai kol bad ka RFC Mawlai kala ioh ban thep tang kawei. La rakhe ia kane ka sngi ban kynmaw burom ia ka sngi kha jong u nongialehkai Hockey jong ka Ri u , Dhyan Chand.
Ha kane ka jingialehkai la wan ban sakhi da ki bun bah ki paidbah bad kane ka long ka lad ban wanrah ia ka jingsngew jan hapdeng ki paidbah bad ki kynhun shipai laong u S R Khan, Second-In-Command, BSF Meghalaya frontier ha ba kren hakane ka jingialang.
