Shillong, Jymmang 20: Ka ministry sam marbam mardih jong ka sorkar pdeng kala khot ia ka jingialang jong ki Myntri jong ki sorkar jylla baroh kiba dei peit ia ka kam sam bam sha ka jingialang ban long la shai ka sngi ha nongbah Delhi ban ia kren kumno ban teh la kam ia ka jingkiew dor jong ki marbam, ong ka kyrwoh kaba la phah da ka PIB New Delhi.
Ia kane ka jingialang yn sa plie da u Myntri ka tand ministry sam marbam ka sorkar pdeng u Ram Vilas Paswan, ha kaba kin ia don lang ruh kiwei ki Myntri jong ka sorkar pdeng. Ha kane ka jingialang kin ia kren kumno ban peit ba ki marbam mardih kaba ki paidbah ki pyndon kam kam dei ban kiew dor sha ba palat.
Ha kane ka sngi kin ia kren ruh halor ka jingpyntrei kam ia ka National Food Security Act, kin ia kren ruh ba kumno kin wad ki lad ki lynti ba ki paidbah kin suk ha kaba ia dei bad ka jingioh ia ki marbam kaba ka sorkar ka sam lyngba ki dukan rashon jong ka sorkar.
Kan ruh ka jingiakren kumno ban pynbun shuh shuh ia ki jaka sam khaw rashon sha ki paidbah kane ka long ban pynjan shuh shuh ia ka jingtrei kam jong ka sorkar bad ki paidbah ha ki jingiadei kiba man ka sngi.
