Shillong, Iaiong 02: Ban the la kam ia ki kam sniew hapoh ka dong bad thain, ki lai lyngdoh, ia kaba la tip kum ka Lyngdoh Nongkhlaw, Lyngdoh Nonglwai bad Lyngdoh Marskuin kila thaw ia ka Synjuk Nongsynshar Shnong SNS) hapoh katei ka thain.
Kine ki lai lyngdoh ki kynthep ia ki 32 tylli ki shnong kiba hap hapoh jong ka hima Nongstoin, La jied ruh ia ki nongkit kam na ka bynta jong u snem 2017-2020, u Bah Korne K.Bani u la shah jied kum u president, Bah J.R Shangrit kum u Vice President, Bah Spastershin Nongrem kum u General Secretary, Assistant secretary bah Goerge K. Bani bad u Bah Lowis Lyngdoh kum u nongbat pisa.
Baroh ki sordar bad ki secretary jong baroh ki 32 tylli ki shnong kin long ki dkhot jong ka Executive Committeee. La seng ia kane ka SNS halor ka nongrim ban wanrah ia ka jingiatylli hapoh ka dong bad ka thain bad ban wanrah ia ka shongsuk shong sain khamtam eh ban the lakam ia ki kam sniew.
Nalor jong kitei kiba la kdew ha neng ka jingthmu ka long ban wanrah ia ka synsharkhadar kaba bit ba biang bad ka roi ka par ha ka thain ha ki liang baroh la ong u general secretary, Bah Spastershin Nongrem ha ka kyrwoh kaba la phah.
