Shillong, Nailur 11: Ka jylla Meghalaya lyngba ka tand social Welfare Department, kala iaid kylleng ka jylla ban pynsngewthuh ia ki briew kumno ban leh ha kaba tieng khun. La pynshai paidbah ha bun ki jingialang, ban tiengkhun wat hapdeng shipara ruh hap ban leh katkum ka ain.
U Bah HM Shangpliang Director jong ka social welfare department la ong ban a ka liang jong ka department kala trei bor bah pyn pynsngewthuh sha ki paidbah nongshong shnong jong ka jylla, namar kumba ka long mynta dang bun ha kane ka jylla ka jingiatieng khun hapdeng shipara ne shi ba ha iing la shu ia leh tang da ka jingiasngewthuh jingmut ha pdeng shi iing shi sem.
Hynrei katkum ka ain kaba la shna da ka sorkar pdeng , ia kaba la tip kum ka ‘The Juvenile Justice(Care and protection of Children ) Act 2015, kala batai shai kdar ba kumno ka sorkar jylla ka dei ban leh ha ka ban tieng khun ia ki khynnah rit.
Ha ka bynta kaba phra jong kane ka ain, ha ka kyndon kaba ar kala kren shai ba kajingting khun na kawei kaba ha iing sha kawei pat kaba ha iing, khlem da khien ia ka niam, lah ban leh da kaba but ia ki kyndon katkum kane ka ain kaba la shna da ka sorkar pdeng. La ong u Bah Shangpliang.
Ban tieng khun, ym baroh kiba lah ban leh, na ka liang jong ka sorkar jylla lyngba kit and trei kam bapher bapher ba kala buh ka hap ban peit la kita kiba kwah ban tieng khun ia u ne ka khynnah ki lah ne em ban bsa ia ki ban pynheh pynsan.
Ha kane ka ain la khang pyrshah ia ki shynrang ba shong marwei ba kim lah ban tieng khun ia ki kynthei, kane ka ain kan nym shah.
