Shillong, Risaw 27: U Bah Vincent H Pala MP na kane ka Shillong Constituency u la ong ban wanrah ia ka roi ka par don kam ia ka jingiatreilang hapdeng ka sorkar, ki District Council bad kum juh ki paidbah. Kane ka long kaba don kam haduh katta katta ban ia treilang.
Haba kren ha ki nongthoh khubor mynta ka sngi haba leit ban plié ia ka jubilee Ksiar jong ka St Peter Secondary School ha ka shnong Laitlyngkot, u la ong b aka sorkar pdeng kala dep ban mang ia ka pisa ban shna lynti rel ban poi sha Shillong, la dep ban mang pisa ia ka kad liengsuin ha Umroi hynrei ka eh ban ioh jaka.
La ong ba la ioh pisa na ka bynta ka Shillong Western by-Pass, la ioh ia ka surok na Mawphlang sha duh Ranikor bad kan poi sha Baghmara, Nangta na Nongstoin Rambrai bad kan poi sha kyrshai ban pyntrei ia ki kam kam pynroi baroh ka shnong ha ka jingiatreilang na baroh lai, ki paidbah, ki District Council bad ki paidbah.
Haba phai sha ka sain pyrthei u la ong ba lada long elelction mynta ka lah ban ktah hynrei ka por ka dang don shisnem, ban da long mynta te ka lah ban ktah, hyrei ka por ka dang don shisnem dang lah ban ia pynbeit ha kano kano ka rukom, ka congress ka dei ka party kaba heh ki don kiba rung ki don kiba mih, kala ban ktah malu mala hynrei ka shong ha ki kyrtong kaba kin buh.
U Bah Pala u la ong shuh shuh ba ha ka politic ka por ka dang don shisnem ka por ka dang biang, ka lah ban kiew ka lah ban hiar, haba ia dei pat ha kaba ia dei bad u u la ong ba ia kaba “ Nga la kren nga la kren”. Haba phai sha u president ka MPCC u la ong ba u long kum u kpa, “ Ngam mut ban ong ba kaba kren kam mut b aka dei lut”.
