Shillong, November 06: Ki nongtrei jong ka Geological Survey jong ka Ri India kaba dei n aka bynta jong ka dong shatei lam mih ngi jong ka Ri India kila pynlong ia ka jingrakhe ia ka “Taiew peignor” kaba la sdang naduh ka 31 tarik jong u bnai Risaw ia kaba la pynkut ha ka 5 tarik Naiwieng 2016.
Ka jingpynlong ia kane ka jingrakhe ia kane ka “Taiew Peitngor” ka dei ka jingkhot jong ka
Central Vigilance Commission, New Delhi, bad ka jingthmu jong kane ka long ban wanrah ia ka jingialang kawei hapoh jong ka Ri bad ban ia khun pyrshah ia ki kam bamsap, ym tang ha ki ophis sorkar hynrei wat ha ki kam jong ki riew shimet ruh kum juh.
Ia kane ka jingrakhe ha kane ka ophis jong ka sorkar pdeng la sdang da ka jingshim smai ba kin nym leh ia kine ki kam bamsap bad ia kane la ialam da u Deputy Director jong ka ophis HIS, Shillong. Ha kane ka taiew baroh lynter kila don bun ki jingialehkai bad ki jingiakop kyntip bad kine baroh ki long beit halor ka phang kumno ban ia khun pyrshah ia ki kam bamsap.
