Shillong, Rymphang 25: Ram Shakpal Singh DIG jong ki CRPF katkum katei ka shithi la kren ba ki la don ha katei ka jaka ha Mawlai la palat sawphew snem bad na ka jingialang kaba la long mynshuwa ba kin kynriah na katei ka jaka ki pan 50 akar ka jaka ha New Shillong na ka bynta jong ki.
Haba kren ha ki lat pathai khubor u bah Sanbor Shullai myntri ba dei peit ia ka tnad pynneh pynsah riti dustur la ong ba ki CRPF kila pan ei ruh ia ka jaka kaba 50 Akar, kaei kaba kum u myntri u don ka jingsngew kit khlieh bad u symbut myntri rangbah ka long ba dei ban leh ei ei halor katei ka jingiakynduh mynshuwa.
Haba ia dei bad ka jingpan jaka da kawei pat na ka liang jong ka sorkar kan nym ai 50 akar kumba ki pan hynrei ka sorkar kan ai noh tang san akar, kane kan long ia ki CRPF bad ia ka tnad kam poh iing ba kin ia shong lang bad ka jingshna kin hap ban lut na lade bad wat ia ki pulit jong ka jylla ruh.
Haba ia dei bad kane ka jingangnud ban weng ia katei ka ktem CRPF na Mawlai ki seng samla Mawlai kila leit ban ia kynduh ia umyntri rangbah ka jylla, ha kane ka jingialang kaba la long mynta ka sngi kila ia kren bun ki bynta namar ka sorkar ka don shibun ki jingmut ban shna ha katei ka jaka bad kan kyntup ia ka shad tynrai.
Hab ia dei bad kane ki CRPF kila ai ka jingmynjur ba hapoh shisnem kin shna ha dien ba ka sorkar kan ai ia ka jaka sha ki bad hapoh ka shisnem kin kynriah na ka tei ka jaka, na ka liang ka ophis kan dang ia bud dien ia kane ba kin don ka jingiakynduh ka tnad pynroi sor, ka tnad kam poh iing ban ai noh ia ka jaka.
La ong ba ha kane ka jingai san akar, lai akar na ka bynta ki CRPF bad ar akar na ka bynta ki pulit jong ka jylla ba kin ia don lang ha katei ka jaka bad ki pulit jong ka jylla kin peit ia ki CRPF. Kane ka dei ka rai jong ka sorkar.
