Shillong, Naitung 23: Ka Khun Hynniewtrep National Awakening Movement (KHNAM) State youth wing ka pynrem jur ia ka khot hajir jong ki bor pulit ia U Vice President ka KHNAM State Youth Wing Bah Iengskhem Suting halor ka jingjia ha them iewduh.
Ka jingpyrshang ban pharep bad ka jingkhot hajir jong ki bor pulit ia ki nongialam seng bad ki riew paidbah ha kaba ia dei bad ka tei ka jingjia ka dei ka jingpyrshang ban pyntieng pynsmiej bad pynthuh ia kiba bun.
Ha kito ki sngi jingklumar la paw shaikdar wat ha kikotkhubor ruh ia ka dur jong ki Harijan kiba shong ha sweerper line kiba la rah da ki wait bad ki tiar pynmynsaw ha ka por ba ka kyndon 144 CrPC ka treikam hynrei ym iohi ba ka sorkar kan kem lane pynngat kyndon ia ki, hynrei la bun kam ban thwet bad pyntiengia kiwei pat, kane kadei ka jinglehshiliang kaba ym lah ban pdiang.
Ka seng ka dawa na ka sorkar kadei ban kham pyllutpor kham bun ban pyrkhat kumno ban pynkynriah noh mardor ia ki briew kiba sah beain ha sweerper line khnang ba ka shongsuk shongsain bad ka roi ka par kan wan biang ha ka jylla.
