Shillong, Kyllalungkot 31: Ki dkhot jong ka Hyniewtrep Youth Council kila pynpaw ka jingbitar halor ka jingkhein khynnah surok u Director jong ka North Eastern Indira Gandhi Regional Institute of Health and Medical Sciences (NEIGRIHMS) u Dr. Nalin Mehta ha ka jingiakynduh bad ki nongialam ka HYC.
Hadien jong kane, na ka liang ki nongialam ka HYC kila byrngem ban beh krad ia ki nongtrei kane ka jaka sumar ban khang tala noh ia kane ka jaka ai jingsumar bad dei tad haduh ba la poi sha ka shkor jong u Director ula hap ban mih sha bar ban panmap naki nongialam ka HYC.
Haka jingshisha u Director ka NEIGRIHMS u Dr. Nalin Mehta hynne ka sngi ula khot iakren iaki nongialam ka HYC bad haka por 12 baje nohphai sngi, 5 ngut ki nongialam ka seng kila wan poi shaka karma treikam u Director hynrei tang hadien katto katne minit ki nongialam ka HYC da ka jingbitar kila mih jyndat na kamra u Director ka NEIGRIHMS.
Haba kren sha ki lad pathai khubor u president ka HYC u Bah Roykupar Synrem ula iathuh ba u Director ka NEIGRIHMS u Dr. Nalin Mehta ula khot iaki nongialam ka seng ban iakren halor ki mat jingdawa ha kamra treikam jong u.
U Bah Roykupar ula iathuh ba marsien rung hapoh ka kamra treikam, une u Director ula kynhit daka ba kynnnoh ba ki dkhot kila wan ban pynkulmar ha kane ka ophis treikam.
Haba wan panmap, u Director ka NEIGRIHMS u Dr. Nalin Mehta ula ong ba dei ban klet noh ia kaei kaei kaba la jia bad wan biang ban iakren halor ki mat jingdawa hynrei naka liang ki nongialam ka HYC kila pyntip sha u ban pynbeit noh da kawei ka sngi ban wan iakren.
