Shillong, Jylliew 11: U Myntri Rangbah ka jylla u Conrad K Sangma mynta ka sngi u la pyntip paidbah ba san ngut ki briew kiba ioh pang COVID-19 ha ka jylla kila koit ha dien ba la test ar sien bad ki la long Negative.
U Myntri Rangbah ka jylla u la ong ba kine ki san san ngut kiba la koit la test ia ki ar sien bad baroh ar sien ka reslot ka long Negative, da ka jinglong Negative arsien ka sorkar kala pynbna ba kine ki san ngut kila koit na ka jingpang COVID-19
Na ki 44 ngut kiba la ioh ia kane ka jingshitom naduh ba sdang ha ka jylla, kiba la koit kila long 18 ngut bad kiba dang don ha pdeng ka jingsumar mynta ki long 25 ngut bad i ba khlad i wei.
U Myntri Rangbah ka jylla u kyntu ia ki paidbah nongshong shnong jong ka jylla ba kin kiar na kaba phah ia ki khubor ki bym dei lane ban phah ia kano kano ka khubor ka bymdei namar ka jingphah ia ki khubor kiba bakla ka wan rah ia ka jingsngew syier ha ki paidbah.
Ha ka jingialang kaba la long mynta ka sngi ka sorkar kala bthah ia ki ophisar ba kin thwet bad pynshitom da kaba tyngeh ia kito ki briew kiba la don kti ha kaba pynkhriang ia ki khubor lamler. La kyntu ia baroh ba to ia kiar na kaba pynphriang ia ki khubor lamler.
