Shillong, Rymphang 18: Mynta ka sngi u myntri rangbah ka jylla u Conrad K Sangma u la leit ban jngoh ia ki jingdro dur ha ki kynroh hapoh ka shnong Mawkhar, Mission Compound, Jaiaw Pdeng, Jaiaw Laitdom kum shibynta na ka jingrakhe ia ka jingdap 50 snem ka jylla Meghalaya.
Haba poi ha Mission Compound u myntri rangbah u la bthah ia ka Deputy Commissioner jong ka East Khasi Hills District ban ai burom ia kiba tbit na pdeng kiba tbit tam ha kane ka jingdro dur ha ki kynroh kaba la ai jingkyrshan da ka sorkar ha kane ka jingdap 50 snem ka jylla.
Ki dur kiba la dro ha ki kynroh kila pynshoh biej ia u myntri rangbah ka jylla namar ki dur bala dro ki don la ka jong ka jong ka jingmut kaba ki ai sha ki paidbah kiba peit ia ki dur kiba la dro ha ki kynroh jong kitei ki shnong ki thaw.
Ha kane ka la synran lang ia u mytnri rangbah ka jylla da u mytnri ba dei peit ia ki kam pynroi sor u bah S Dhar, ka Deputy Commissioner ka East Khasi Hills District kong Isawanda Laloo, ki opisar sorkar.
Ha kane ka jingwan jngoh jong u mytnri rangbah ka jylla ia kitei ki shnong la pdiang sngewbha ia u da ki rangbah shnong, seng kynthei ha kane ka jignwan u myntri rangbah ka jylla sha kine ki shnong.
