Shillong, Nohprah 01: U Bah D. D. Lapang, MLA jong ka Nongpoh u ba dei ruh u nongaibuit jong ka sorkar jylla u la buh ia u Mawnongrim ban shna ia ka surok hapoh jong ka shnong Marmain bad kane ka surok kaba shikilo meter kan pyniasoh bad ka shnong Pisamhura.
Kane ka surok MBT Road ka dei na ka skhim ban pyniasoh ia ki shnong ki thaw kumno ban suk ka kti ka bah ban pynpoi sha ki iew ki hat. Bad kane ka hap hapoh jog ka Umling Block. Ka jinglut na ka bynta kane ka surok ban shna bad ban siang rong kan long T.30 lak tyngka.
Ha kane ka sngi la plié ruh ia ka iing skul jong ka Balang Presbyterian ia kaba la tip kum ka Jowe Presbyterian School Lower Primary School ha ka jingiadon lang ki heh sorkar bad ki nongkit kam shnong . Ha kane ka sngi ka shnong kala pan ruh ia ki jngdon kam kum ka Umbam Umdih, ban siangrong ia ka surok bad na ka liang jong u Bah Lapang u la kular ban sa leh ia kine n aka skhim SRWP.
Haba ia dei bad kiwei pat ki skhim kiba don kam yn ia kren bad ki tnad sorkar ba kin leh kloi ia kaba don kam. Ha kane ka sngi la don lang ruh u BDO jong ka Umling Block, bad shibun kiwei kiwei ki heh sorkar kiba la ia sakhi lang ha kane ka sngi.
