Shillong Jylliew 02: Ka Meghalaya Minerals Exporters Chamber of Commerce (MMECC) kala pynpaw ia ka jingsngewlyngoh ia ka jingpynslem jong ka sorkar ban pynlait noh ia u ia u Mawshun ba dang sah wat la na ka liang jong u Divisional Forest Officer (DFO) jong ka East Khasi Hills u la dep pyndep ia ki kam kiba dei ha ka kyrdan ka jong u.
U Bah Stodar Dkhar president jong ka seng MMECC, u la iathuh ba u la dep ban thoh da ka shithi sha u myntri rangbah ka jylla u Dr Mukul Sangma ha kaba ia dei bad kane ka kam ka ophis jong u Chief Minister secretariat kala phah ia ka jubab sha sha ka MMECC ha kaba la ong ba kan shym don ka jingkhang ban shallan sha Bangladesh ia u Mawshun.
Ia kane ka shithi la ioh pdiang sa ka ophis jong ka MMECC ia kaba la soi da ka Under Secretary ha ka 6 tarik jong u bnai Iaiong 2017, hynrei kaba phylia ba haduh kine ki sngi na ka liang jong ka sorkar kam pat ia bor ia u DFO ba un pynlait noh ia ki Shallan na ka bynta ban ioh kit noh ia u mwshun ba dang sah ha ki kawri jong ki briew.
Na ka liang jong ka MMECC ka kyntu ia ka sorkar ba kan sngewbha ban pynlait noh kumba la thoh ha ka shithi na ka ophis jong u Chief Minister Secretariat, lada ka sorkar ka dang pynslem na ka liang jong ka MMECC bad ki paidbah kiba im ja bad bsa ia ki khun ki kti na kane ka kam kim ban se ban ia mih paidbah ha surok ban dawa na ka sorkar ba kan sngewbha ban pynlait noh ia u mawshun ba dang sah kumba la dep ban shim jingkhein.
