Shillong, Iaiong 09: Pleng wat ki mrad khlaw ruh ki bitar, Ki hati khlaw kila pynpra ia u Mawnongrim jong ka PHC ha Jirang ia kaba la buh naduh u snem 2002 da u Bah Sayeedullah Nongrum myntri ka koit ka khiah ha katei ka por ia kaba ym shym la lah ban tei ia kane ka PHI hapoh katei ka jaka haduh kine ki sngi kaba hap hapoh jong ka Ri Bhoi District.
Ia une u mawnongrim ba la buh da ki myntri sorkar la pynpra noh da ki hati khlaw ha kine ki khyndait bnai la iathuh ki trai shnong na katei ka thain New Jirang. Ia u Mawnongrim ba nyngkong la buh da u myntri rangbah ba rim ka jylla u Dr FA Khonglam bam kwai ha dwar u blei, bad ia u Mawnongrim baa r jong kane ka juh ka PHC la buh da u myntri ka koit ka khiah u Bah Nongrum ha u snem 2003.
Ha ka por ba la buh ia u Mawnongrim na ka liang jong ki paidbah kila ia kmen ba da kaba buh ia u mawnongrim kaba mut ka jingtrei ruh kan sdang noh, hynrei kane ka jingkyrmen jong ki paidbah kam shym la poi sha ei sha ei haduh kine ki sngi wat la ki snem kila iaid haduh 15 snem haduh mynta ba ki hati khlaw kim pynpra noh ia une u Mawnongrim.
