Shillong, Jylliew 03: Mynta ka sngi ha ka por kumba ar duna ei ei ki pulit kiba dei ban pyniaid ia ki kali ha Laitumkhrah police point kiba dei ha kane ka por kila hap ban tuklar namar ba ki Taxi kamai kiba ieng ha kane ka jaka kim treh ban kit ia ki briew kiba thmu ban wan sha Police Bazar ne sha iew.
Ka jingbun jong ki nongleit nongwan ha kane ka jaka kala pynkhap ngiah wat ia ka surok hynrei haba ki nongleit nongwan kila kylli ia ki Taxi la kin leit sha police bazaar, sha Iew ne sha Civil kim treh hynrei ki taxi ki ieng thylli bad ap briew pat ha katei ka jaka.
Na ka liang jong ki pulit kiba don ha kane ka por kila bethah ia ki taxi draibar ba ki dei ban leit sha ka jaka kaba ki nongleit ki kwah ban leit haba hapoh kali ym pat don nongshong, na ka liang jong ki pulit ba pyniaid kali ha kane ka por ym ban se ban ong noh ia ki paidbah ba ia ap kali ba kin rung ha ki Taxi ba khlem pat don briew ban leit sha ka jaka ba ki thmu ban leit.
Kaba sngew tynnad ka long ba ha dien ba la pynurng ia ki nongleit nongwan hapoh Taxi na ka liang jong u pulit u ba don duty ha katei ka por u la bethah ruh ia ki briew kiba shong hapoh kali ba lada u Taxi draibar ym pynpoi sha ka jaka ba ki thmu ban leit sa pyntip khnang ba kin sa leh katba shah ka ain.
