Shillong, Naitung 16: Ka jingialang jong ka Executive Committee jong ka kynhun ki nonghikai ia kaba la tip kum ka JACATAM, ha dien ka jingiaphylliew jingmut kaba la kham shibpor, kila shim ia ka rai ban pynlong ia ka jingiakhih da kaba shong kyllain mungor.
U Bah ED Nongsiang Chaimran jong kane ka kynhun, haba kren ha ki nongthoh khubor ha dien ba la wai ka jingialang, la ong ba kin sdang ia ka jingiakhih ka jong ki da kaba shong kyllain mungor ha khmat jong ki skul kaba ki hikai ha ka 27 bad 28 tarik mynta u bnai bad ha ka 29 tarik pat kin pynlong ia ka jingshong kyllain mungor ha head quarter jong baroh ki District ha ka jylla.
Kane ka jingiakhih jong ki nonghikai ka long ban dawa na ka sorkar ba ka dei ban provincialized noh ia baroh ki skul kiba ym pat shimti da ka sorkar. Kane ka jingdawa jong ki nonghikai kala iaid mynta la bun bun snem, ha kaba ka sorkar kam pat leh ei ei haduh kine ki sngi.
