Shillong, Naiwieng 24: Da ka jinghikai Seng kam la jong la pynlong da ka jingiaseng kynthei Ri-Bhoi shatei presbytery ryngkat bad ka ophis jong ka state Bank of India- Rural self-Employment Training institute.
Ban kyntiew ia ka ioh ka kot ka ioh kam ioh jam ,ka jingiaseng kynthei Ri-Bhoi shatei presbytery ryngkat bad ka ophis kjong ka state Bank of India- Rural self-Employment Training institute ,umran ki la pynlong ia ka jinghikai ban seng kam la jong sha ki paid riewngeit ka balang khamtam eh na bynta ki samla kynthei bad ki longkmie.Ia katei ka programme la pynlong ha ka ingskul ha ka shnong Mawtnum ,Ri-Bhoi District
Ia ka jinghikai shaphang ka seng kam la jong bad ban ieng ha la ki jong ki kjat , la tip ha ka ktien nongwei kum ka Entrepreneurship Development Programme ha kaba la ai da ka tnat ka jong ka state Bank of India- Rural self-Employment Training institute ,umran bad kumjuh ha ka jingdonlang u Bah Heasting Lyngdoh u trai jong ka H.L.Candle Megha Brand u ba dei ruh u bala paw ha ka jingseng ia ki kam la jong kane ka institute.
U Bah Heasting u la batai sha ki nongshim bynta ia ka jingiaid lyngti jong u ,kum u nongseng kam bad kumno ba u la lah ban ai kam de ia kiwei ruh bad ia ka rukom shna ia ki jaid mommati bapher bapher bad kumno la die ia ki mar sha ki nongthied bad ki nongpyndon kam bad ka rukom ban pyniaid iew ia ki.
Kum u nongseng kam u ong ka long ka ba donkam ban don ia ka jingstad bad ka jingshemphang ban trei ia ka kam, bad ban ioh ia kita ka don kam ban leit shah hikai ha ki jakai training bad kum juh ruh u pynpaw ia ka jingsngewnguh ba khraw ia ka institute ba ka la iarap ia u na bynta ban pynlah ban ieng ha la ki jong ki kjat bad ban don la ka jong ka karkhana shna mommati
Na ka liang jong u ophiser jong ka institute u Bah Lucky Star Lamin, U la kyntu ia ki nongiashim bynta ban shim ia ka kabu ban wan shah hikai shuh hapoh institute na bynta ki jaidkam bapher bapher ,ka jingshah hikai ka bymdon kam ban siew ei ei na duh ka bai bam , bai sah bad ka bai training ruh kumjuh. Khnang ba kin lah ban ieng skhem ha la ki jong ki kjat ban don la ka kam bad ban kyntiew ia ka ioh ka kot bad ka jingikm jong ki lyngba ka kam ba ki trei .