Shillong, Risaw 02: KI seng bhalang na Garo Hills kila pynbna ba kin pynlong ia ka jingiaid paidbah ha Tura ban pynpaw ia ka jingsngew pyrshah halor ka jingshah kynnah ba ki ar ngut ki nonghikai jong ka Kendra Vidalaya kila leh beijot ia ki khynnah skul.
Ha ka juh ka por kine ki seng bhalang na Garo Hills kiba kyntup ia ka t GSU, FAF, FKJGP, ADE bad AYWO kila phah ia ka dorkhas jong ki sha kamyntri ba deipeit ia ki skul hapoh kane ka jylla Meghalaya ka Debora C. Marak ,ha kaba kila dawa ba dei ban weng shisyndon kam ka kam ia kine ki ar ngut ki nonghikai kiba la shah kynnah ba ki donkti ha ka kam leh beijot.
Ban pyrshah ia kane ka jingleh jong ki nonghikai kumba la kynnoh ki seng bhalang na Garo Hills kin pynlong ia ka jingiaid paidbah ha Tura ha ka saw tarik mynta u bnai kata sngi baar, namar u Debjyoti Das bad u Yogesh Joshi kila shah kynnoh ba kila leh beijot ia ki khynnah skul bad dei ban pynshitom ia ki da kaba tyngeh katkum ki kyndon ain.
Ha ka dorkhas kaba la ai sha ka myntri ba dei peit ia ka pule puthi jong ka jylloa, ki seng bhalang kila kdew ba kane kala paw pyrthei ha ka 29 tarik Nailur, ha dien ba la ai jingujor sha ki pulit bad mynta kila shah kem bad don ha ka kti jong ki pulit ban tohkit ia ki na ka bynta san sngi.
Na ka liang jong ki seng bhalang ki kyntu ia ka Bar Association ba kim dei ban iai sait na ka bynta jongkitei ki ar ngut ki nonghikai kiba la shah kynnoh ba kila leh ia kane ka kam jaboh. La dawa bay m dei ban shah iaki khynnah skul ba kin leit shah hikai kypang ha ki nonghikai ha dien ba la wai skul.
