Shillong, Rymphang 28: Ka Khasi Students’ Union (KSU) Jaiaw Circle, kan pynlong ia ka jingpynkhreh kot kaba khlem jingsiew (Free tuition); na ka bynta kito ki khynnah kiba pule naduh ka klas VI haduh ka Klas IX, kiba shong ba sah hapoh jong ka shnong Jaiaw Pyllun, khamtam ia kito kiba wan na ka longiing kaba ym kot bor satia ban phah kreh kot.
Ka seng kan sdang ban ai noh ia ki form, naduh ka 1 tarik, Lber 2017 haduh ka 10 tarik, Lber 2017. Kumta, la kyntu ia kito kiba donkam hok shisha ia kane ka jingiarap ba kin sngewbha ban wan shim ia ki form, na ka Ophis treikam jong ka seng ha; lane shwa katei ka tarik ba la buh haneng.
Shuh shuh, ka seng ka la shim ia kane ka rai, hadien ka jingshem ba; ki dang don bun ki longiing kiba shem jynjar shisha; kiba shong ba sah hapoh ka Shnong Jaiaw pyllun bad lehse kane ka dei kawei na ki daw; jong ka jingpep skul noh shiteng por jong ki khynnah ha kane ka por kaba mynta. Kumta, khnang ban ialeh pyrshah ia kane, na ka liang ka seng ka la shim ia kane ka sien jam ban pynlong shi syndon da kane ka jing pynkhreh kot ba khlem jingsiew.
