Shillong, Rymphang 26: Da ka jingsbun mynsiem jong ki trai jaka ka shnong Mynsain ha Upper Lumparing kala ioh ia ka surok kaba ki paidbah kila angnud mynta la 30 snem lynter ia kaba la plie da u MLA katei ka jaka u bah Sanbor Shullai ba dei ruh myntri jong ka sorkar.
Ha ka jingkren plie ia katei ka surok u bah Sanbor la ong ba ki paidbah kila angnud ban ioh ia kane ka surok bad da ka jingsbun mynsiem ki trai jaka ban ai ei ia ka khyndew la lah ban pynurlong ia kane ka jingangnud ki paidbah.
Na ka liang u MLA u la ai khubblei kyrpang ia ki trai jaka kiba la ai sbun mynsiem ia ki jaka jong ki ban pynioh ia kane ka surok kaba ki paidbah kila angnud la bun bun snem bad la ai khublei ruh ia ka PWD kaba la trei bor bah ban pyndep ha ka por ba biang.
Ha kane ba plie ia kane ka surok la don lang ruh ki paidbah jong ka shnong ban ia skhilang da ka jngkmen ,kiba la kren ha kane ka jingialang ki long u bah H B Wahlang Rangbah shnong Upper Lumparing bad kiwei de ki riew rangbah bad na ka tnad shna suork jong ka PWD.
