Shillong, Kyllalyngkot 30: Ka R India kala buh ia kane ka sngi ka 30 tarik Kyllalyngkot kum ka sngi ban burom kyrpang ia kito ki briew baroh kiba la len lade bad aiti iala ka jong ka jingim namar ka Ri ha ka jingialeh laitluid jong Ri ban lait na ka jingshah synshar ha ka Ri Bilat.
Ryngkat ka Ri baroh kawei ka jylla Meghalaya Ruh mynta ka sngi kala pynlong ia ka jingsngap jar kaba ar minit ban kynmaw burom ia kito ki briew kiba la len lade bad ba la aiti ia la ka jong ka jingim namar ka ri. Ha kane ka nongbah Shillong ia kane ka jingsngap jar la pynlong ha phyllaw jong ka Secretariat jong ka jylla.
Ha kane ka sngi bun na ki heh sorkar kila ia poi ban ia shim bynta ha kane ka jingialang ban pynlong ia kane ka jingsngap jar kaba ar minit.
