Shillong, Iaiong 20: La shai ka sngi ki saw ngut ki MDC jong ka UDP kiba la ai ia ka jingkyrshan ia ka EC khleh khawlang ha KHADC ia kaba la tip kum ka PDF ia kaba la ialam da u Bah PN Syiem kin phah da ka shithi sha ka party ba kyrpad ia ka party ba kan pyrkhat biang halor ka jingweng ia ka jingkyrshan ia ka PDF hapoh jong ka KHADC.
U Nongialam jong ka Parliamentary party jong ka UDP hapoh jong ka KHADC u Bah Teinwell Dkhar u la iathuh ha u SP News Agency ba la shai ka sngi kin phah ia ka shithi sha ka party ba kyntu ia ka party ba kan pyrkhat biang ia ka rai jong ka CEC ban weng ia ka jingkyrshan ia ka EC jong u bah PN Syiem ha KHADC.
“ Ngin phah ia ka shithi la shai ka sngi sha ka party ban kyntu ia ka party ba lada long kaba lah ban pyrkhat biang ia ka rai jong ka CEC” la ong u bah Teinwell. Kumba ka long mynta na ki 6 ngut ki MDC jong ka UDP saw ngut ki ai ka jingkyrshan ia ka EC jong u Bah Pynshngian.
