Jowai, Kyllalyngkot 16: Ka seng Meghalaya People United Forum (MPUF) mynta ka sngi kala pynlong ia ka jingia shong kyllain mungor ha khmat jong ka ophis jong u Deputy Commissioner jong ka West Jaintia Hills District ban dawa na ka sorkar ba ka dang dei ban pynneh ia u DC Jowai u Arunkumar Khebhavi namar ka por jong u kam pat kut.
Ia kane ka jingleit shong kyllain mungor ha khmat jong ka ophis jong u Deputy Commissioner jong ka West Jaintia Hills la ialam da u president ka seng u Bah Dawoni Laloo, kane ka seng ka dawa b aka sorkar hapoh lai sngi ka dei ban weng noh ia kane ka hukum pynkynriah kam ia u DC, la da ka sorkar kam leh ban leh ia kane kin pynlong da ka jingiakhih ban shah thgnan khlem buh por.
Kane ka seng ka snggew ba ia u ne u DC ba mynta dei ban dang pynneh pynsah hapoh jong ka District namar ba u la trei na ka bynta ka jingkiew jong ka District ha kiba bun ki liang bad kumba ka long ka por treikam jong u ruh kam pat kut, kum u khlieh jong ka District u la leh bun ki kam na ka bynta jong ki paidbah.
Ka sorkar jylla kala pynmih ia ka hukum ban pynkynriah noh ia u ne u DC ba mynta bad ha ka jaka jong u yn wanrah noh da u bah R Rapthap, ka seng ka dawa ba ka sorkar ka dang dei ban pynneh ia u ne u DC ba mynta namar kim kiba u la leh na ka bynta ka District kila long shisha ki jingmyntoi ia u paidbah. Lad aka sorkar kam sngap kin pynlong da ka jingiakhih ban shah thngan khlem buh por.