Shillong, Jylliew 03: Da kaba shu injek la lah ban pynkha khun sniang bad kane ka long ka jingjop kaba khraw ia ka tand ri marad jong ka sorkar ha ka jingialeh ban lah ban pynbiang ia ka jingpynmih ia ka doh ban bam na la ka jong ka jylla khlem da shaniah shuh ha kiwei ki jylla.
Haba kren ha u SP News Agency u Director jong ka tnad Animals Husbandry and Veterinary U Dr B Rijal u la iathuh ba kane ka tnad sorkar ha dien ka jingwad bniah kaba la katto katne snem mynta ha kaba ia dei bad ka jingpynkha ia ki khun sniang khlem da don kam ia u sniang kpa ban pynshong kha kila lah ban leh mynta.
Ki khun sniang kiba nungkong eh ia kiba la lah ban leh da kane ka tnad jong ka sorkar, kiba la pynkha na ka sniang kmie da kaba shu injek la eh ha jaka wad bniah jong kane ka tnad sorkar kaba don ha upper Shillong. Kane ka long ka jongjop ia ka tnad sorkar.
Kaba la pynlyngoh eh ia ki doctor ka long ba kane ka sniang kmie kaba la ai injek ka kha haduh shiphew tylli ki khun sniang bad baroh kine ki khun sniang ki shait ki khlain bad ki heh kip lung. Na ka liang jong ka tnad ri mrad mynta ki dang peit thuh bha ia kine shuwa ba kin sam paidbah ia kane ka buid pynkha khun sniang da kaba shu injek, la ong u Dr Rijal.
