SHILLONG, Nailar 10: ka seng ki kontraktor ka North Garo Hills Tribal Contractors’ Association (NGHTCA) mynta ka sngi kala pynbna ba kin pynlong noh da ka jingiakhih pyrshah ia ka sorkar da kaba tah poster ar sngi lynter ha ka 17 bad 18 tarik mynta u bnai na ka daw ba la sah kut ka bill jong ki ha ka PWD bad PHE kumba 24 klur tyngka.
Na ka liang jong ka seng kala dep ban ai da ka jingthoh sha ka sorkar bad ai por ba kan siew noh hapoh ka 15 sngi hynrei haba la kut kane ka jingbuh por ruh ka sorkar kam shym leh ei ei kumta kim ban se ban pynlong ia kane ka jingiakhih da kaba tah poster ha katei ka District bad kane kan sdang ha Resubelpara Division.”
Kum ka seng ka pynrem jur ia kane ka jingleh jong ka sorkar jylla ba kam sngap ia ka jingud jingnam ka jong ki ia kane ka jingud jong ki la phah lyngba u DC jong ka District ba ka sorkar kan siew noh ia kine ki bill ba dang sah.
