Tura, Nailar 17: Da ki hajar ngut ki paidbah mynta ka sngi ha Tura kila ia mih ban ia shim bynta ha ka “Shalom Meghalaya” ha MP Stadium, Dakopgre ha Tura. Kane ka long ban pynpaw pyrshah ia kikam lehnoh ha Garo Hills ia kane ka jingialang paidbah la lam khmat da ka balang Catholic bad Baptist.
Ha kane ka sngi la pynpaw ba ki paidbah jong ka Garo Hills ki kwah ia ka jingshong suk bad ia kane la pynpaw da ki bishop, kum u Archbishop ka Guwahati, Rt. Rev. John Moolachira, Bishop ka Tura, Rt. Rev. Andrew Marak, u president bad general secretary jong ka A’chik Baptist Dalgipa Krima, Rev. R. D. Shira bad Rev. Janang Sangma.
Ha kine ki lai bnai la iohi ba ka jingkiew ksong ki kam lehnoh ha Garo Hills ka long kaba la palat, ha ka jingkren jong u Rt. Rev. Moolachira u la ong ba ka jingsukka long kaba don kamha kane ka por.
U deputy commissioner, West Garo Hills, U Pravin Bakshi u la kren bniah hakaba ia dei bad ka jingdon kam ka jingshong suk ha ki lum Garo bad u la ong ba ka long kaba don kam ban ia khun pyrshah ban wanrah ia ka jingshong suk. Hakane ka sngi la donbun ruh kiwei kiwei ki nongkren ia kane ka juhka phang.
Kawei ka sur kaba la mih ka long ban pynbor iaka sorkar pdeng bad ka sorkar jylla bakin buh ia ka jaka ban ai jinghikai ia ki lehnoh kiba la wan pyndem wait bad kane ka jaka ka dei ban don ha Garo Hills.
Kumba ka long mynta la kem haduh 169 ngut ki lehnoh, kila shah siat iap 27 ngut bad ki riew paidbah ki long 13 ngut bad kiba shah rahbor ki long palat iaka 100 ngut, na ka liang jong ki pulitkiba la shah pyniap ki la poi sha ka 20 ngut.(SP News)
