Jowai, Naitung 05: Ka Jaintia Student’s Movement (JSM) Sengkmie lyngba ka kyrwoh ba la phah da u General Secretary jongka Samla Leningstar Rymbai, U la ong ha ka jingsakhi lang jong ka ia Ka Public Meeting ba la long mynhynnin ka sngi ha ka shnong Phramer West Jaintia Hills.
Ka JSM kam lah khlem da ai ka jingiaroh bad ka jingkyr khu kyrdoh ia ki paidbah ha katei ka sngi ba la pynlong ia ka tei ka public meeting namar ka long ka Public Meeting ba la iaid beit iaid ryntih bad ka long ruh kaba I shong kun ha duh kata kata, namar kane ka Public meeting ka la pyn I shisha ba kata ka bor ba ki paidbah ki ia tylli bad ki long ki thied ban ai bor ia ka ne ka jingialang namar ha kane ka jingialang paidbah la iohi ba ka sur na ka meij ka ai sha u paidbah ban shim ka rai.
Kane ka public Meeting kaba la khot da ki kato katne ki nongialam ba peitjngai ia ka jingeh ka ban sa wan iap khlam hapoh Ri Jaintia bad ia ka Jylla hi baroh kawei, ka long halor ka nongrim ba ka National Green Tribunal (NGT)ka ai hukum shi syndon ban khang ia ka jingtih Dewiong bad shalan dewiong khlem da ailad lane pynsngew shwa sha ki paidbah nong shong shnong jong ka Jylla .
Ha kane ka jingialang paidbah ki nong shong shnong jong ka thain East bad West Jaintia Hills ki la ia wan da ki hajar ngut na ki shnong bap her bapher na duh ki samla ki rangbah ki long kmie bad la sakhi lang ruh da ki riew Rangbah kum U Bah Hoping Stone Lyngdon ba long u President ka HSPDP u Dr.PBM Basaiamoit, U Harwil Sutnga Illegal Advancer (Advocate),U Sing Mulieh , U Shibun Lyngdoh bad CEM barim ka JHADC Ma Hambertus Nongtdu bad kiwei kiwei.
Ha ka jingsakhi ka JSM ka iohi ba kane ka jingialang bala pyniaid da U Ma Hiral Dkhar ka long ka jingialang kaba don jingkyrmen ba kaJait bynriew jongngi ka dang don kita ki nongialam ba phai khmat sha u paidbah.(SP News)
