Shillong Nailar 15: Ka ophis jong u Deputy Commissioner East Khasi Hills District ha ka sngi rakhe ia ka jinglaitluid jong ka Ri kala sam ia ki jain kiba la ai sngewbha ki paidbah sha ki long iing kiba duk. Ia kane ka jingsam la leh ha khmat ophis ha kaba bun paidbah kiba la ioh ia ka jingmyntoi.
Ia kane ka jinglum jinglang ia ki jain ki juti kiba la ai sngewbha da ki paidbah la ia trei lang ha pdeng ka ophis jong u DC, ka DIPR, ka Round Table India bad ka Ladies Circle India. Ia ka jingjied ia ki long iing kiba duk ba kin ioh ia kane ka jingiarap la leh da kitei ar tylli ki kynhun trei mon sngewbha.
