Shillong, Jymmang 16: Ka seng East Jaintia Hills Coal Supplier Association (EJCSA) mynta ka sngi kala ong bad a ki spah tylli ki kali kit dewiong kiba la shah kem bad shah ai mukotduma namar kila pynkhein ia ka kyndon kaba la buh da ka NGT.
Habalor ka jingkynnnoh ba ki trok kit dewiong ki iaid khlem shallan na ka liang jong u president jong ka seng u Bah Hambertus Nongtdu u la ong ba kum ka seng kam juh iaid khlem shallan kumba la kynnoh, ki bor jong ka ain ki don bad kat kiba leh tam kila shah kem.
Na ka liang jong ka seng la ong ba kane ka jingkynnoh ka long tang ha East Jaintia Hills hynrei ha kiwei ki District jong ka jylla kam shym don ka jingkynnoh, la ong ba ka jingmih khubor ka long kaba khlem nongrim.
Haba jubab ia ki jingkylli halor kajingkut noh jong ka por ba ban shallan ia u dewiong ha ka 15 tarik mynta u bnai na ka liang jong u Bah Nongtdu u la ong ba kane ka shong ha ka sorkar bad ka NGT ba don burom kumno ban leh.
