Shillong, Jymmang 28: U myntri rangbah duh jong ka Ri India u Narendra Modi mynta ka sngi u la long u myntri rangbah duh ba nyngkong ban leit jngoh ia kane ka law kyntang kaba don nam hapoh jong ka hima Mawphlang.
Naka liang jong ka Hima ha kane ka sngi kala pdiang sngewbha ia u myntri rangbah duh jong ka Ri da ka shad khasi bad kane ka la pyniap biej ia u haduh ba u myntri rangbah duh jong ka Ri u la sondur ia kine ki nongshat da lade namar u la dap eh da ka jingkmen.
Ha dien jongkane u myntri rangbah duh ynda u la wan phai na Mawphlang u la wan ban iuh kjat sa ha Maitilang Park ha kaba u la ioh kyndiang ia ka jingitynnad jong ka kshaid Elephant Fall, Ka jingitynnad jong ka mariang jong kine lum khasi kala pynkmen shibun ia u myntri rangbah duh jong ka Rib a unioh ban pynpyngat ia lade na ki jingbun kam kiba man ka sngi.
Ha Mawphlang kiba la pdiang burom ia u myntri rangbah duh jong ka Ri la don lang baroh ki nongkit kam jong ka hima, ha kane ka sngi la don lang ruh u myntri rangbah ka jylla u Dr Mukul Sangma, u Lat ka jylla u V. Shanmuganathanu ba la synranlang ia u lem bad kiwei ki myntri sorkar bad kiheh sorkar.